سەرەکی / هەواڵ / داوا لە کۆمەڵگەی نێودەوڵەتی دەکرێت لێکۆڵینەوە لە کاولکردنی خورماتوو بکەن

داوا لە کۆمەڵگەی نێودەوڵەتی دەکرێت لێکۆڵینەوە لە کاولکردنی خورماتوو بکەن

حکومەتی هەرێمی کوردستان نیگەرانە لەو دۆخەی لە خورماتوو دەگوزەرێت و داوادەکات هەرچی زووە کۆمەڵگەی نێودەوڵەتی لێکۆڵینەوە بکات لە دەرکردنی زۆرەملێ و سووتاندن و تەقاندنەوەی ماڵ و دووکان و کاولکردنی شارەکە لەلایەن “میلیشیاکان”ەوە.

سەفین دزەیی، گوتەبێژی حکومەتی هەرێمی کوردستان لە هەژماری تایبەتی خۆی لە تویتەر رایگەیاندووە، حکومەتی هەرێمی کوردستان نیگەرانە لە دۆخی خەڵک لە خورماتوو. دزەیی داوا لە کۆمەڵگەی نێودەوڵەتی دەکات بەدواداچوون بۆ ئەو کەیسانە بکات کە بەڵگەن لەسەر کاولکردنی بەمەبەست و دەرکردنی کوردانی شارۆچکەکە.

دەقی تویتەکەی گوتەبێژی حکومەتی هەرێمی کوردستانە لەسەر دۆخی خورماتوو

“حکومەتی هەرێمی کوردستان زۆر نیگەرانە لە دۆخی ئەو خەڵکەی لە خورماتوو دەربەدەربووە، دوای ئەوەی بە زۆرەملێ لەلایەن میلیشیاکانەوە لە ماڵەکانیان دەربەدەرکراون. داوا لە کۆمەڵگەی نێودەوڵەتی دەکەین لێکۆڵینەوە و بەدواداچوون بۆ ئەو بەڵگانە بکات، کە ماڵی خەڵک بەمەبەست وێرانکراوە و خەڵکی کورد لە شارۆچکەکە بە زۆرەملێ وەدەرنراون.”

دوای تێپەڕبوونی 40 رۆژ بەسەر رووداوەكانی 16ی ئۆكتۆبەر كە حەشدی شەعبی و سوپای عێراق پەلاماری كەركووك و خورماتوویان دا، تیمێکی رووداو توانییان بچنە نێو شاری خورماتوو و دیمەنی زۆربەی ئەو كاولكارییانە بگرن‌ كە هێزە عێراقییەكان و بەتایبەتی حەشدی شیعی توركمانی لە شارۆچكەكە ئەنجامیان داون.

بەپێی زانیارییەكان لەدوای رووداوەكانی 16ی ئۆكتۆبەرەوە دەست بەسەر 3000 خانووی هاووڵاتیانی كورددا گیراوە، هەروەها ماڵی 2000 هاووڵاتیی كورد لەلایەن چەكدارانی حەشدی شەعبی تاڵانكراون، 400 ماڵیش سووتێنراون و زیاتر لە 50 خانووش تەقێنراونەتەوە. بەگوتەی دانیشتووانی شارەكە، ئەوەی لە خورماتوو روویداوە، بە هەموو پێوەرێك جینۆسایدە.

images (1) images (2) images (3) images (4) images (5) images (6) images

سەرچاوە: تۆڕی میدیایی ڕووداو

دەربارە lana

ئەم بابەتەش ببینە

51415459_400436310718173_2156534561431879680_n

 بەیاننامەی دەستەی گشتی ناوچە کوردستانیەکانی دەرەوەی ئیدارەی هەرێم

هەروەک ئاگادارن ڕۆژانە گوێبیستی هەواڵی سووتانی دەغڵ و دان دەبین لە ناوچە کوردستانیەکانی دەرەوەی ئیدارەی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بازدە بۆ تووڵامراز