سەرەکی / هەواڵ / هومام حەمودی: هەموو گەلانی ناوچەکە پێویستە تەواوی مافەکانیان وەربگرن

هومام حەمودی: هەموو گەلانی ناوچەکە پێویستە تەواوی مافەکانیان وەربگرن

هومام حەمودی رایدەگەیێنێ هەموو گەلانی ناوچەکە پێویستە تەواوی مافەکانیان وەربگرن ، بەڵام دەشڵێت: “ناوچەکە بەرگەی کێشەی دیکە ناگرێت و پەلەکردنیش لە بەرژەوەندی کەسدا نییە”.

ئێوارەی رۆژی چوارشەممە 16-8-2017 شاندی بەغدای ئەنجوومەنی باڵای ریفراندۆم لەگەڵ سەرۆکی ئەنجوومەنی باڵای ئیسلامی عێراق کۆبوونەوە.

لەبارەی مافی چارەی خۆنووسینی کورد و کوردستان، هومام حەمودی ، سەرۆکی ئەنجوومەنی باڵای ئیسلامی عێراق لە کۆنفرانسێکی رۆژنامەڤانیدا رایگەیاند: “هەموو گەلانی ناوچەکە پێویستە تەواوی مافەکانی وەربگرێت، بەڵام پێویستە رەچاوی ئاسایش و سەقامگیری ناوچەکە و بەرژەوەندی گشتی بکرێت”.

سەرۆکی ئەنجوومەنی باڵای ئیسلامی عێراق، لە پەراوێزی کۆبوونەوەی لەگەڵ شاندی کوردستان بۆ بەغدا رایگەیاند، ئاڵوگۆڕکردنی بیر و بۆچوونەکان زۆر گرنگە و دووپاتکرایەوە لەسەر پەیوەندی نێوان هەردوولا لە خەباتی هاوبەش و کێشەکانی ئایندەدا.

هاوکات حەمودی راشیگەیاند، پێکەوە بە یەکگرتوویی و هاوکاریی دەژین، هەمووان مافی خۆیانە خواست و ویستیان هەبێت، بێگومان کێشەش هەیە، بەڵام جگە لە دیالۆگ هیچ بژاردەیەکی دیکەمان نییە، بنەمای ئەو دیالۆگە پێکەوەژیانی ئاشتیانەی نێوانمانە، پێکەوە بەشداریمان لە داڕشتنی دەستوور کرد و ئایندەیەکی باش دەخوازین، ناوچەکەش بەرگەی کێشەی دیکە ناگرێت، پێویستە لە تەحەدای داعش و تیرۆر دەربچین، دواتر دەچینە سەر بابەتەکانی دیکە و پەلەکردن لە کارەکانیش لە بەرژەوەندی کەس دا نییە.

سەرچاوە: تۆڕی میدیایی ڕووداو

 

دەربارە lana

ئەم بابەتەش ببینە

66385bb1b7ada1788d82705b9f8e7d06_XL

پارتێكی توركمانی: لەبەر داگیرکاریی میلیشیاکان لە كەركووك و ناوچە کوردستانییەکان هەڵبژاردنەكان بایكۆت دەكەین

“هەر هەڵبژاردنێك لەو شارانە بكرێت ناشەرعییە” پارتی گەلی توركمانی ڕای دەگەیەنێت كە لەژێر دەسەڵاتی داگیركاریی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *